POLICE Report —— Patay ro ap-at nga katawo, kaibahan ro mag-ama, matapos makuryente samtang nagalimpyo it sangka bubon sa Barangay Tiayon, Ipil, Zamboanga Sibugay.
Nakilaea ro mga namatay nga sanday Norben Cañete, Sr., Norben Cañete, Jr., Jayson Gandawan, ag Renjear Velez.
Suno sa imbestigasyon, ginagamit it mga biktima ro sangka submersible water pump samtang ginalimpyuhan ro bubon nga may daeum nga 28 feet.
Aksidenteng natapakan ni Cañete, Sr. ro linya it kuryente ag insigida raya nga nangisay antes nga mahueog sa bubon.
Ginhana imaw nga eowason it anang unga ag daywang kaeapitbaeay, apang pati sanda hay nakuryente man ag owa nakaeowas.
Bandang 7:20 it gabi-i nabaton it mga otoridad ro report angot sa insidente. Insigida man nga nagbueuligan ro mga miyembro it lokal nga gobyerno agud nga mahaw-as ro mga bangkay halin sa bubon.
Padayun ro pagpadumdum it mga awtoridad angot sa pag-dahan sa paggamit it mga kagamitang de-kuryente, eabi eon sa mga delikadong lugar kapareho it bubon.
