NATIONAL News — Ginpakigbahin ni alyas Raymond ro andang istorya kun paalin imaw nga nag-asawa nga bukon pa it haum rason nga napilitan sanda nga mag-istar it anang misis sa sangka dati anay nga kulungan it baboy nga may eapad eamang nga 6 sqm.
Agud makalikaw sa pagbayad it renta, gin-limpyuhan nanda it mayad ro kulungan ag gin-obra nga temporaryong ilistaran samtang nagatinguha nga makatipon it kwarta.
Nasayuran nga haeos sang dag-on man sanda nga nag-istar it anang misis sa nasambit nga kulungan ag kat gin-unga it anang misis ro andang panganay hay mas pa gid nanda nga naeksperyensiyahan ro kabudlay it pagpangabuhi eabi eon kat inapok it bagyo ro atup it andang baeay.
Bangud sa mga pagsubok, naintindihan ni Raymond ro kalisod it pagpangabuhi nga may asawa eabi eon kon bukon it preparado ag owa it tinipon.
Apang imbes nga magsurender, gingamit nanda nga mag-asawa ro naeksperyensiyahan nga kalisod bilang inspirasyon agud magtinguha ag makabangon.
Sa bulig it pagiging mahugod ag pagbueuligan, nangin mayad ro daeagan it andang negosyo.
Sa makaron, may anda eon nga kaugalingon nga piggery, poultry, ag nagasupply man sa nagkaeain-eain nga mga restaurant.
Matapos ro limang dag-on, masadya nga ginpakigbahin ni Raymond nga naabot eon nanda nga mag-asawa ro andang handum.
