Sangka mag-asawa maghalin sa Florida nga parehong competitive eaters ro nakahimo it Guinness World Records matapos ro madasig nga pagkaon it hot dogs ag burrito.
Gin-anunsyo it record-keeping organization nga si Miki Sudo hay naka-ubos it burrito sa sueod it 31.47 seconds, eampas sa dating record nga 0.88 seconds.
Sa kaparehong adlaw, nakahimo man it record ro mister ni sudo nga si Nicholas Wehry para sa may pinakamaabu nga hot dogs nga nakaon sa sueod it sang minuto, eampas sa nagtaliwan nga record.
Nakakaon imaw it kabilugan nga 12 nga hot dogs sa sueod it 3 minutos, kumpara sa dating record nga siyam.
Nasayuran nga ro mag-asawa nga mas kilaea sa tawag nga “The Hungry Couple” hay nagkakilaea may ap-at nga dag-on eon ro nagtaliwan samtang nagapahaum para sa competitive eating event.
Umpisa nga magpakasae ag makaangkon it unga, owa nagpundo ro mag asawa sa pagpasakop sa mga kompetisyon kun sa siin kon amat hay sanda pa nga daywa ro nagaka-engkwentru sa final round.
