POLICE Report — Patay ro sangka misis samtang naninahan ro anang mister matapos bumunggo ro andang motorsiklo sa nagtabok nga baka sa bypass road it Barangay Ambalatungan, Santiago City, Isabela.
Suno sa Santiago City Police Station, nakilaea ro driver nga naninahan nga si Mark Christopher Pangilinan, 28 anyos, samtang ro anang misis nga namatay hay si Claire Anne, 27 anyos, parehong taga-Victory Norte, it nasambit nga siyudad.
Sa inisyal nga report, antes ro insidente, nagabiyahe ro mag-asawa sa nasambit nga karsadahon bandang alas-6:03 it gabi-i paagto sa Barangay Sinsayon.
Ginasugid nga nag-overtake ro motorsiklo it mga biktima sa ginasundan nga saeakyan kat may gulping nagtabok nga baka sa karsada.
Nawad-an it kontrol si Pangilinan sa manibela it motorsiklo rason para sumadsad sanda sa karsada.
Insigidang gindaea sa Southern Isabela Medical Center ro mga biktima apang dead-on-arrival si Claire bangud sa naangkon nga mga grabeng lastro sa ueo ag eawas.
Buhi mat’a ro baka sa natabu nga insidente.
