Balitang Espesyal————Ginpangaeanan kay ‘‘Twifia’’ it sangka mag-asawa sa Switzerland ro andang bag-ong unga nga eapsag agud nga makalibre it wifi internet sa sueod it 18 anyos halin sa internet provider nga Twifi.
Kat makita it mag-asawa ro sangka Facebook ad it kompanyang Twifi nga pagataw-an nanda it 18 years nga libreng internet subscription ro mga parents nga magapangaean it Twifus ukon Twifia sa andang mga bag-ong unga nga eapsag, owa eon nagduha-duha ro mga raya nga gamiton ro ‘‘Twifia’’ sa birth certificate it andang unga.
Suno sa ama it eapsag, matapos nana nga makita ro Facebook ad, naging desidido eagi imaw nga pangaeanan nga Twifia ro anang eapsag bangud nga sa tan-aw man nana hay manami raya nga pangaean.
Owa eagi nagpasugot ro anang asawa apang nagpasugot man raya matapos nana nga kumbinsihon nga mabahoe ro andang matipid sa internet bills sa masunod nga 18 years.
Suno sa CEO it Twifi nga si Philippe Fotsch, gindayaw nana ro mag-asawa ag ginpromisa nana nga pagasundon it kompanya ro 18 years nga libreng internet connection maskin ano pa ro matabu.
Sa makaron, nagatau eon man ro Twifi it libreng internet subscription sa mga Swiss citizens nga magapangaean it Twifus ukon Twifia sa andang newborn baby.
