KALIBO, Aklan — Naga kabaeaka ro mga lokal nga opisyal sa probinsiya it Aklan nga mag eowas sa bansag nga cesspool, posibling tawgon pang sinful island ro Boracay bangud sa iga patindog nga $500 million dollars ukon kapin sa P26 billion pesos nga casino-resort.
Sa gin patigayung session it Sangguniang Panlalawigan, nagkasugot ro mga board members nga maghimo it imbestigasyon may kaangtanan sa nasambitang plano.
Gin pahayag ni SP member Emmanuel Soviet Russia dela Cruz nga masubong isipon nga sa telebisyon pa nasayuran it mga Aklanon ro iga tukod nga casino it Macau-based firm nga Galaxy Entertainment Group ag local partner kara nga Leisure and Resorts World Corporation.
Gin pamilit pa it opisyal nga apisar ro national government ro nagtao it franchise sa mga casino, kinahangean sa gihapon nga konsultasyon raya sa lokal nga gobyerno agud mabo-oe ro pulso it publiko.
Owa sigon sa “timing” ro plano bangud natiempo raya sa pagpasara sa isla agud taw-an it daean ro rehabilitasyon.
