-- ADVERTISEMENT --
KALIBO, Aklan — Parehong namatay ro mag-ina matapos nga tamaan it kilat sa Sitio Kil-ohan, Barangay Fulgencio, Balete, Aklan.
Suno kay P/Chief Master Sergeant Jerick Dadivas it Balete Police Station, pasado alas-2:00 it hapon kat nagguwa it baeay ro mag-ina agud nga saeuron ro tubi-uean kadungan sa pagbuhos it mabaskog nga uean nga may kaibahan nga mabaskog nga daeugdog ag kilat.
Tumama ro kilat sa antenna it andang telebisyon sa kilid it andang baeay hasta nga tinamaan kara ro biktimang si Gina Inocencio, 41, ag unga nga si Regina Inocencio, 9-anyos.
Naninahan ro mag-ina nga parehong gindaea sa Aklan Provincial Hospital apang gindeklarang dead on arrival.
