POLICE Report — Patay ro magkarelasyon nga parehong nagapang-edaron it 25-anyos samtang sakay it motorsiklo matapos mabungguan it police mobile sa Marcos Highway, Barangay Inarawan, Antipolo City, Rizal.
Base sa imbestigasyon, mabaskog ro uean ag madanlog ro daean kun sa siin ro police mobile hay paagto sa direksyon it Boso-Boso samtang ro motorsiklo hay sa opposite direction nga paagto sa Cogeo.
Na-lose control sigon ro mobile patrol samtang nagapatrolya ag naagto sa direksyon nga gina-agyan it motorsiklo. Matapos mabungguan it mobile, inapok ro motor paatras kasunod nga jeep.
Nasamad ro prente nga portion it jeep samtang eowas ro anang mga sakay.
Nakaangkon it head injury ro mga biktima ag iba pang lastro sa eawas.
Ginpahayag dugang nga parehong “no signs of life” ro magkarelasyon rason nga gindaea sanda sa pinakamaeapit nga ospital.
Nagpamalibad eon nga magtau it pahayag ro pamilya it mga namatay.
Presenteng sa idaeum it kustodiya it Antipolo Component City Police Station custodial facility ro pulis nga nagamaneho it police mobile nga posibleng magapangatubang sa kasong Reckless imprudence resulting to multiple homicide with damage to property.
