KALIBO, Aklan—Ginaeauman nga madugangan pa ro mga accredited establishments sa isla it Boracay nga magabukas.
Suno kay Malay Mayor Frolibar Bautista nga kasunod raya it pagbuhos it mga turista umpisa nga ginbo-oe eon ro swab test sa mga fully vaccinated nga mga turista.
Sa makaron hay naga abot eon sa 294 nga mga establisimento ro naga-operate nga gintaw-an it ‘go signal’ it Department of Tourism.
Gin -engganyo man nana ro mga turista nga kalitan ro kahigayunan bangud nga mag-eowas sa mga mabahoe nga discount sa air fare ukon pamasahe sa eroplano hay padayun nga naga offer it discount ro mga hotels para sa mga gustong mag bakasyon sa sikat nga tourist destination.
Dugang pa ni Mayor Bautista nga hugut nga seguridad ag pagbantay ro ginahimo it mga awtoridad sa isla agud nga masiguro nga ginasunod ro ginapatuman nga health and safety protocols.
