Ginpahayag ni Sen. Win Gatchalian nga ginhalin eun sa maximum security sa Thailand si She Zhijiang, ro Chinese national nga na-interview it Al Jazeera nga bu-ean kunta it testimonya it Senate Committee on Women, Children, Family Relations at Gender Equality agud kumpirmahon nga sangka Chinese spy si dismissed Bamban Mayor Alice Guo.
Maging si Wang Fugui, nga nainteriew it komite paagi sa video teleconferencing ag naging ka-selda ni She sa Thailand hay indi man makit-an.
Aminado si Gatchalian nga kumplikado ro bintang kay Guo bangud ro “accuser” kara ro magakumpirma nga imaw hay sangka Chinese spy hay sa ibang nasyon.
Matatandaan nga sa nasambit nga documentary it Al Jazeera, nagtao pa it mensahe si She kay Guo o Guo Huaping nga ginhalin sa lenggwahe nga English kun siin nga hinambae nana nga indi masaligan ro China ngani dapat eun raya maghambae it matuod.
