KALIBO, Aklan — Ginpasiguro it Department of Environment and Natural Resources (DENR) nga magapabiling malimpyo ro tubi sa Isla it Boracay.
Raya ro ginpahayag ni Environment Secretary Roy Cimatu sa ginpatigayong press briefing kaina sa Isla para sa Boracay reopening hin-aga, Oktubre 26.
Suno kay Cimatu uwa eon it magakalhit ag magahigko bangud igapatuman it PNP ro tanan nga municipal ordinances agud mapabilin ro kalimpyuhan it Isla.
Nauna eon nga ginpahayag it Philipine National Police (PNP) nga “all system go” eon sanda ag haom eon para sa reopening maghalin sa mga equipment, personnel ag mga facility nga andang pagakinahang-eanon.
Nasayuran nga ro sikat nga tourist destination hay ginpasarado sa sueod it an-om nga buean halin ko Abril 26 matapos makit-an ni Pangueong Rodrigo Duterte ro environmental problem sa isla.
