-- ADVERTISEMENT --
Magapangatubang sa kasong pag-eabag sa Presidential Decree 1865 ro sangka eaeaki matapos nga naaktuhan it kapulisan nga illegal nga nagabaligya it gasolina sa banwa it Nabas.
Ginkilaea ro suspek nga si Francisco Flores, 42-anyos, residente it Brgy. Poblacion sa nasambitang banwa.
Base sa imbestigasyon it Nabas PNP, takna 12:20 kahapon kat makabaton sanda it impormasyon angot sa illegal nga pagbaligya it gasolina ni Flores.
Naaktuhan pa sigon it pulisya ro pagbaligya it suspek it tingi nga gasolina kung siin insigida imaw nga gindakop.
Presenteng nakakulong si Flores sa Nabas Police Station ag nakataeana nga iga-inquest makarun nga adlaw.
-- ADVERTISEMENT --
