KALIBO, Aklan—Ginpaathag ni Fr. Tudd Belandres nga ro selebrasyon it All Saints’ Day kada Nobyembre 1 hay sangka Kristiyanong pagdumdum nga ginahaead sa tanan nga mga santo, martir, ag mga banal nga indibidwal, kilaea man sanda ukon bukon.
Ginapadumdum kara ro kada isaea nga balaan ro Diyos rason nga dapat man kita nga maging balaan samtang nagakabuhi sa ibabaw it kalibutan.
Kinahangean suno kana nga pahauman ro kamatayon bangud nga dikara masayuran kon sa eangit ukon impiyerno maagto depende sa hinimuan samtang buhi pa .
Sa pihak nga parte, ro All Souls’ Day kada Nobyembre 2 hay adlaw it pagdumdum naton sa mga nagtaliwan eon, kun sa siin ginadumdum it mga tawo ro andang mga mahae sa kabuhi nga namatay eon ag ro mga kaeag nga una sa purgatoryo.
Gina-remind sigon kara ro tanan nga ro kabuhi hay may katapusan.
Kada nagaselebrar sigon it kaadlawan hay pirme man naton nga isipon nga ro kabuhi hay regalo.
Kada pista minatay suno kana hay nagatililipon ro pamilya sa mga sementeryo agud nga bisitahon ro pantyon it andang mga mahae sa kabuhi nga nagtaliwan eon.
Nagapangadi samtang nagasindi it kandila ag nagahaead it bueak.
Ginapatihan nga pinaagi kara hay makaangkon it kalinong ro andang kaeag.
