KALIBO, Aklan–Magkaiba ro sistema it eleksyon sa Pilipinas ag Estados Unidos.
Sa Pilipinas, daog ro kandidatong nakabuoe it pinakamaabo nga boto samtang sa Amerika ginatunga sa ap-at nga parte ro eleksyon ag nakasalalay ro resulta kara sa electoral votes ukon boto it miyembro it electors sa kada estado.
Suno kay Mallyn Villanueva, sangka political analysist ag college professor nga sa Amerika indirect voting ro andang Presidente ag Bise presidente.
Bangud ginabotohan anay sigon nanda ro electoral college nga may kapin sa 538 nga miyembro.
Dugang pa kara nga bukon it plurality vote ro ginabasehan sa pagdaog it mga kandidato.
Kingang-ean sigon nga mabuoe kara ro 26 nga estado agud nga magdaog sa eleksyon.
Apang, may minimum nga boto sigon rayang ginakinahang-ean kung siin dapat nga makabuoe ro sangka kandidato it 270 sa kabilugan it electoral college.
Samtang, waeong adlaw eon lang ro nabilin antes ro eleksyon it pinakagamhanan nga nasyon sa kalibutan.
Maabo eon ro nagabantay kung sin-o sa tunga nanday US President Donald Trump ag Democratic Nominee Joe Biden ro magapungko bilang bag-ong pangueo.
