Kalibo Aklan ——-Magapangatubang sa kasong Alarm and Scandal ag Direct Assault to Agent of Person in Authority ro magmaeanghod matapos nga eampusan it kahoy sa ueo ro rumespondeng miyembro it Kalibo Auxiliary Police.
Nasayuran nga kaibahan ro biktimang si Lorenzo Callar, sa legal nga edad ag residente it Rizal St., Brgy. Poblacion, Kalibo sa rumesponde sa kinagamo nga nag-eontad sa Sampaguita Road, Brgy. Andagao, Kalibo kabi-i.
Pag abot sa lugar, ginasugid nga nagpatunga raya sa away , apang gulping gin-eampusan ro anang ueo it kahoy .
Insigida man nga naaresto ro magmaeanghud nga suspek nga nakilaea kanday Ej Mosquera, 21 anyos ag Jovan Mosquera, 23 anyos, parehong residente it nasambit nga lugar.
Samtang ro biktima hay gindaea sa ospital para sa nagakaigo nga medikasyon.
