KALIBO, AKLAN — Kamatayun ro gin dangatan it magmaeanghod nga menor de edad matapos maeunod sa suba sa Brgy. Dapdap. Tangalan, Aklan.
Gin kilaea ro mga biktima nga sanday Jhan Exequiel Villanueva, 8, ag Jhan Earl, 11, mga residente it Brgy. Libang, Makato, Aklan.
Base sa report it Tangalan Police station, matapos nga magbakasyon sa andang paryenti sa nasambitang lugar nagsaeampitan ro magmaeanghod nga maligos sa suba.
Gina sugid nga sa kasagsagan it pagpaligos hay posibling naagto sa madaeom nga portion it kantiladong suba ro mga biktima kun siin inanod sanda it mabaskog nga sueog hasta sa maeunod.
Nasapwan it sangka mangingisda ro eawas it magmaeanghod nga naga paeutaw-eutaw sa suba.
Gin padangat ro mga raya sa sangka pribadong ospital apang, gin deklarang patay eon.
Nasayuran nga nagatrabaho bilang OFW sa Qatar ro ina it magmaeanghod.
