KALIBO, Aklan — Ginatugis makaron it Crime Investigation and Detection Group (CIDG) ro magmanghod nga tubong Aklan nga nagapangatubang sa kasong illegal recruitment.
Nagaabot sigon sa P300 million ro nabueo it mga suspek nga sanday Yvette Valdez ag Annelie Taunan nga parehong residente it Brgy. Tamalagon, Tangalan, Aklan halin sa ginatos nga naengganyo nanda para kunta magtrabaho sa sangka dairy farm sa New Zealand.
Ginapahayag nga pila sa andang na-recruit sa Aklan hay nakabayad eon t P200,000 hasta it P250,000 bilang placement fee.
Ginpromisahan sigon sanda it magmanghod it daywang dag-ong kontrata nga may kapin sa P100,000 ro sweldo kada buean.
Ko nagtaliwan nga dag-on pa sigon sanda nag-apply sa RYVT Travel and Tours Services sa Manila nga nadiskubrehang uwa naka-rehistro sa Philippine Overseas Employment Administration.
Nagpabulig sa CIDG ro mga biktima matapos nga inde eon matawagan ukon makit-an ro magmanghod.
