KALIBO, AKLAN —- Arestado ro sangka 22-anyos nga eaeaki ag 17-anyos nga nobya kat madakpan nga naga sex sa idaeum it puno it balete bandang alas-3:00 it kaaganhon sa Kalibo Pastrana Park.
Base sa report, naabutan it mga miyembro it Kalibo Auxiliiary Police (KAP) ro magnobyo nga parehong hubeas ag nakakubabaw ro eaeaki sa babaye.
Nauna kara, gin piyestahan sigon ro daywa it mga tricycle drivers nga naga hueat it pasahero dahilan nga nabitin ag nagsaylu it ibang pwesto sa likod it plaza canteen ag gin padayun ro gina ubra.
Gin report ro mga raya sa naga patrolyang KAP members ag naaresto.
Sa presinto hay naga panangison ro daywa nga naga hinyu nga indi eon sanda pag ikulong kadunghan it promisa nga indi eon magahimo it kalaswaan sa nasambitang lugar.
Nasayuran nga ro daywa hay parehong estudyante ag lango sa aeak kat matabo ro insidente.
