NATIONAL News — Ginapapahaum eon ni Armed Forces of the Philippines (AFP) chief of staff General Romeo Brawner Jr. ro mga soldado engkaso nga makaangkon it invasion ukon pagsalakay sa Taiwan.
Sa anang speech sa ika-38 anibersaryo it Northern Luzon Command (NOLCOM), nagpapanaog it mandu si Brawner nga umpisahan eon ro pagpaplano oras nga matabu ro ginakabaeak-an.
Indi sigon malikawan nga madaeahig ro Pilipinas sa scenario it giyera bangud nga kapin sa 250,000 ro overseas Filipino worker sa Taiwan.
Kinahangean sigon nga i-rescue ro mga kababayan rason nga dapat paeaparon it NOLCOM ro Sphere of Operations kara.
Trabaho it NOLCOM ro pagbantay sa teritoryo it Pilipinas sa naaminhan kaibahan ro Bajo de Masinloc sa nakatungdan it Zambales hasta sa Mavulis Island nga mas maeapit eon sa Taiwan kumpara sa Mainland Cagayan.
Ginpahayag pa ni Brawner, ro masunod nga giyerang paga-atubangon it mga soldadong Pinoy hay bukon it sa kaparehong Pinoy.
“When I talk about warfare, we are already at war. I am not referring to the kinetic warfare that we see between Ukraine and Russia or between Israel and Hamas. But we are already experiencing cyber warfare, information warfare, cognitive warfare, political warfare. The communist China is already conducting united front works in our country,” pahayag it AFP chief.
Natiempo nga kadungan it pag-diskurso ni Brawner ro pagpadaea it puwersa it Chinese Eastern Theater Command sa puwersa kara sa palibot it Taiwan para sa sangka military exercise.
Nauna eon nga ginpahayag it Beijing nga ro democratic Taipei hay kaparte it andang teritoryo ag nagpaandam pa nga magagamit it puwersa agud nga maibalik ro isla sa kontrol it China.
Padayun ro paglibot it mga fighter jet ag naval vessel it China sa Taiwan ko nagtaliwan nga mga binuean agud nga iduso ro andang pag-angkon sa Taipei nga pilang beses eon nga ginpamalibaran it Taiwan.
