KALIBO, Aklan—Nagapangatubang sa kasong pag-eabag sa Republic Act 9165 ukon Comprehensive Dangerous Drugs Act of 2002 ro magpartner matapos nga madakpan sa ginkasa nga drug buybust operation it gintingob nga pwersa it Kalibo Municipal Police Station ag Provincial Drug Enforcement Unit ukon PDEU Aklan sa Brgy. Bakhaw Sur, Kalibo.
Ginkilaea ro mga suspek nga sanday Marisse Franco y Ticar, 33-anyos ag si Mary Laika Chin Jeresa, 25-anyos ag parehong presenteng nagaistar sa nasambit nga lugar.
Narekober sa daywa ro limang ka sachet it suspected shabu kabaylo it marked money nga P15,000 pesos.
Sa pagbody search ag pag-usisa sa motorsiklo it mga suspek, nabuoe dugang ro daywang ka sachet it illegal nga droga, cellphone ag cash money.
Ro daywa hay una eon sa kustudiya it pulisya para sa nagakaigong disposisyon.
