Magsobra 300K pasahero, dumagsa sa mga pantalan sa bilog nga Pilipinas sa nagtaliwan nga Undas break – PCG

Nakalista ro Philippine Coast Guard (PCG) it magsobra 340,000 nga mga pasahero sa tanan nga pantalan sa Pilipinas sa nagtaliwan nga long weekend bangud sa Undas break.

Sa monitoring it PCG, una sa 184,597 ro outbound passengers samtang 156,856 inbound passengers ro nailista sa mga pantalan.

Una sa kabilugan nga 1,674 nga sakayang pandagat ag 1,742 motorbancas man ro gin-inspeksyon sa tunga it pagdagsa it mga pasahero.

Magapabilin man nga nakasaka ro alerto sa mga PCG districts, stations ag sub-stations hasta hinaga Nobyembre 5 para sa mga ginasaligan nga pagdagsa it mga pasahero sa mga pantalan.