USA – Magsobra 37,000 nga mga residente it Los Angeles, Calabasas, Malibu ag Pacific Palisades pati man sa Topanga Canyon sa Los Angeles County ro ginsugo it mga otoridad nga magbakwit bangud sa padayon nga wildfire.
Naglista ro mga otoridad idto it daywang katawo nga namatay sa Eaton fire halin sa Angeles National Forest nga makit-an sa Altadena area it Los Angeles County ag Pasadena.
Pahayag man ni county fire chief Anthony C. Marrone nga importante nga seryosohon it mga residente ro evacuation order.
Pagsiguro nana nga prioridad nanda makaron ro kabuhi kaysa sa mga propiedad.
Gin-engganyo man kara ro mga residente nga magtipid sa paggamit it tubi bangud sa naastan eun ro mga sueod it andang mga fire hydrants.
Una sa magsobra 1,000 hektarya it eugta ro sunog eun ag magsobra 1,000 eun man nga mga edipisyo ro naabo sa nasambit nga kaeayo.
Ginsiguro man ni US President Joe Biden ro bulig halin sa anang gobyerno ag ginsugo nana ro mga bumbero kara nga magbueoligan para madasig nga matapna ro sunog.
