POLICE Report — Arestado ro sangka 22-anyos nga eaeaki sa Parañaque City matapos akusahan it pagpanghimueos ag pagpang-abuso sa anang manghud nga babaye.
Gindakop ro suspek sa anang baeay sa San Martin De Porres ko Lunes it hapon.
Suno sa Parañaque City Police Station, mismong igmanghud it akusado ro naging biktima nga naga-edad it 16 anyos.
Ginasugid nga hilong ro suspek ag naghulid sa anang igmanghud rason nga natabu ro insidente.
Apang natukiban nga daywang beses eon nga natabu ro pagpanghimueos umpisa pa ko Pebrero 2024.
Kat magsugid ro biktima sa anang ina, gin-ibhan sanda it andang kaeapitbaeay agud nga i-report ro insidente sa kapulisan.
Hugut nga ginpamalibaran it suspek ro mga akusasyon, apang sa makaron hay nakakulong eon raya sa custodial facility it Parañaque Police Station ag nagapangatubang sa two-counts it kasong rape ag child abuse.
Nagpadumdum ro kapulisan sa mga ginikanan nga insigidang ipahisayod sa mga awtoridad ro anumang kaso it pagpang-abuso agud nga raya hay maagapan ag mataw-an it hustisya ro mga biktima.
