-- ADVERTISEMENT --
KALIBO, Aklan — Kritikal ro kundisyon it sangka eaeaki matapos eab-on sa ueo it igmanghod nga nag uling hilong sa Barangay Cabayugan, Malinao, Aklan.
Suno kay PSInsp. Alfonso Manoba it Malinao Police Station, natabo ro insidente kat sitahon it biktimang si Lardy Berdandino, 33, ro nag uli nga suspek nga si Lario Berdandino, 24, parehong residente it nasambitang lugar.
Naakig sigon ag nagwala ro suspek nga insigidang nagbo-oe it sanduko ag einabo ro magueang sa ueo nga nagbaeos man pinaagi sa pagbunae sa ueo it suspek.
Magkadunghan man nga gin daea ro magmaeanghod sa Aklan Provincial Hospital.
