KALIBO, Aklan–Nagapadayun pa ro imbestigasyon it Banga Municipal Police Station sa nag-eontad nga pagpamuno sa tunga it mag-half brother sa sueod it sangka farm kabi-i sa Brgy. Bacan, Banga.
Suno kay Ian Nuevo, tag-ana it Bambino Farm nga masyadong madasig ro mga hitabo kabi-i samtang sanda hay naga-inuman.
Ginapahayag nga masami nga naga-inaway ro magmaeanghod nga Kenjie Recentes, 35-anyos ag Mark Jay Recentes, 18-anyos, parehong residente it Brgy. Torralba, Banga kada sanda hay maka-inom.
Ro daywa hay parehong nagatrabaho sa piggery bilang stay in.
Una sigon nga nagpanaw si Kenjie nga ginsundan man it anang manghod kung siin makataliwan ro pilang minuto hay dikato eon natabo ro pagpamuno.
Bangud sa hitabo, nag-angkon it lastro sa waea nga abaga si Mark Jay nga insigida man nga gin-respondehan it MDRRMO-Banga ag gindaea sa sangka pribadong ospital.
Samtang, plano man ni Nuevo nga istoryahon ro magtimbang nga parte para ayuson ro bagina nga nagapatunga kanda.
Haum man sigon raya nga magbulig para sa gaeastuson medikal.
