-- ADVERTISEMENT --
KALIBO, Aklan—Ninahan ro sangka eaeaki matapos nga ginbaril it anang kaugalingon nga igmanghod sa Brgy. Aquino, Ibajay.
Ginkilaea ro biktimang si Ramel Noble, 40-anyos samtang ro ginatumod nga suspek hay si Ramel Noble, Jr. 34-anyos ag parehong residente it nasabit nga lugar.
Sa inisyal nga imbestigasyon it Ibajay Police Station, nakaangkon sigon it uwa pagkaintindihan sa tunga it magmanghod kon siin dikara eon nabaril it suspek ro biktima gamit ro sangka 12 gauge homemade shot gun.
-- ADVERTISEMENT --
Insigida man nga nadaea sa Ibajay district hospital ro magueang para sa nagakaigong medikasyon.
Samtang, ro insidente hay padayon pang ginaimbestigahan it pulisya para sa nagakaigong disposisyon.
