Kalibo Aklan————Uman nga nakabaton ro nasyon it dugang nga 469,200 doses it Moderna vaccine.
Dominggo it hapon kat naghugpa sa Ninoy Aquino International Airport ro nasambit nga bakuna.
Sa nasambit nga numero, ro 319,200 doses kara hay nabakae it gobyerno it nasyon samtang ro 150,000 mat-a ro ginbakae it mga private sectors.
Ginpangunahan ni Vaccine Czar Carlito Galvez ro pagsug-aeaw it mga nag-abot nga bakuna nga gin-ibhan ni Clare Bea ro unit chief it Environment, Science, Technology and Health it US Embassy ag sanday Dr. Maria Soledad Antonio, director it Department of Health (DOH) Bureau of International Health Cooperation; ag Dr. Ariel Valencia, director, DOH.
Sa kabilugan hay nagaabot eon sa 4,296,060 nga Moderna vaccines ro nag-abot sa nasyon kon sa siin 3,000,060 ro donasyon halin sa US pinaagi it COVAX facility ag ro iba hay ginbakae it gobyerno.
