Ginpasiguro it Department of Foreign Affairs (DFA) ro maid-id nga imbestigasyon sa nag-eontad nga insidente sa tunga it Chinese Coast Guard nga nagpamaeabag ag pwersahang ginboue maghalin mula sa Philippine Navy ro nadiskubreng “unidentified floating object” nga ginapatihang debris it Chinese rocket nga nagtugpa sa may Pag-asa island.
Suno kay DFA spokesperson Ma. Teresita Daza, sa makaron ginahueat pa ro detalyadong report maghalin sa maritime law enforcement agencies antes magtao it komento.
Sa makaron owa nagapabilin nga mahipos ag owa pa nagatao it pahayag ro Chinese embassy sa Manila sa latest incident sa isla.
Una eon nga ginreport ni Vice Admiral Alberto Carlos it Western Command nga nag-eontad ro nasambit nga insidente ko nagtaliwan nga Sabado matapos makit-an it miyembro it Naval Station Emilio Liwanag (NSEL) sa pamaagi it sangka long-range camera ro sangka undentified floating object nga gin-anod 800 yards maghalin sa Nakatungdan nga parte it Pag-asa island.
Gilayon man ginrespundehan ro lugar para sa ocular inspection ag idto narekober ro sangka gamit nga naga-eutaw apang ginbaeabagan sanda it miyembro it Chinese coast Guard ag pwersahan nga ginboue maghalin sa Philippine Navy ro nasambit nga gamit sa pamaagi it pagputoe sa towing line nga nakakabit sa rubber boat it Naval Station Emilio Liwanag.
Ro nasambit nga insidente hay nag-eontad pilang oras antes ro pag-abot ni US VP Kamala Harris sa Pilipinas para sa anang mga aktibidad kaibahan eon ro pagpasanyog it Amerika sa pagtao it suporta sa nasyon pag-abot sa soberanya ag territorial integrity ag pag-ensayo pa sa defense ties sa tunga it Amerika ag Pilipinas.
