KALIBO, AKLAN — Naga eaum si Bayan Muna Party-list representative Carlos Isagani Zarate nga indi pagpasugtan it mga senador nga makaeusot ro proposisyon sa uman nga pagpatuman it penalidad nga kamatayun.
Raya matapos nga makapasa eon sa mababang kapueungan it Kongreso ro death penalty bill.
Sa interview it Bombo Radyo Kalibo, gin pahayag ni Zarate nga gina eauman nga magiging mainit ro debate sa senado kumpara sa natabo sa Kamara.
Dismayado sigon sanda bangud owa nataw-an it kahigayunan nga makipag-debate it husto kontra sa pagpapanaug it penalidad nga kamatayun.
Gin pamilit pa ni Zarate nga makabig nga anti-poor, instrumento it pagpanghugot kamana man nga bukon it solusyon sa kriminalidad sa presenteng sistema it hustisya sa nasyun ro re-imposition it death penalty.
