KALIBO, Aklan–Sa pihak nga peligroso, apang may ginahatud man nga kamaeayran ro sobrang init it tiempo ukon mataas nga heat index.
Suno kay Raymund Sucgang, Supervising Science Research Specialist it Philippine Nuclaer Research Institute ukon PNRI nga masarangan nga patyon it mainit nga tiempo ro pagkalhit it mga viruses kapareho it Coronavirus.
Ro 55 degrees celcius suno kana nga value it heat index hay kaparerho it sangka mainit nga kape.
Angot kara, nagpaandam si Sucgang nga kinahangean nga magdahan kontra sa heat stroke eabi pa ag painit nga painit ro temperatura.
Dapat suno kana nga indi masyadong magbuead sa init adlaw ukon magdaea it nagakaigo nga proteksyon kapareho it payong, pirmeng magpaligos, magsuksok it eambong nga manipis ag preska.
Gin-engganyo man nana ro tanan nga protektahan ro dagat ag ro kagueangan agud nga malikawan ro mas pang pagtaas it heat index.
Kumpara sa tanum, ro dagat ro mas nagatau it mas maabu nga oxygen sa tawo.
Gindugang kara nga 50 hasta 80 porsiyento it oxygen production sa kalibutan hay nagahalin sa dagat.
