KALIBO, Aklan—Padayun ro ginahimo nga konstruksyon it maintenance team it Department of Public works and highways (DPWH) sa mga buho-buho sa national highway maghalin sa banwa it banga paadto sa banwa it altavas.
Suno kay Engr. Alejandro Ventilacion, District Engr. sa probinsya it Aklan nga may ap-at eun ka mga team it trabahador ro nagaayos makarun agud mabutangan it aspalto ro mga buho buho.
Madumduman nga maabong pomoeuyo ro nagpaabot it andang reklamo sa nasambitan nga karsada kung sa siin raya man ro ginapanan-aw nga rason it mga aksidente.
Apang, ginpasiguro man it DPWH nga ginatinguhaan nandang maayos sa mas madali nga tyempo ro mga kasamaran sa karsada.
Nagahinyo eamang sigon sanda it tyempo bangud ro andang trabaho hay nakadepende man sa panyempo.
