KALIBO, Aklan—Majority sa McAllen, Texas hay pabor kay Democratic Presidential Nominee Joe Biden kumpara kay incumbent US president Donald Trump.
Raya hay bangud sa issue it boarder wall kon sa siin gin-insister ni Trump nga dapat butangan it boarder ro andang estado agud nga inde katabok ro iba pang migrant maghalin sa ibang nasyon.
Suno kay Bombo International Correspondent Rhodora Tonel Elizondo sa McAllen, Texas, mahumot para sa mga pumueoyo it estado si Biden bangud nga eain ro ugali kara kon ikumpara kay Trump.
Ginapatihan sigon it mga pumueoyo nga makata-o it hustong kasuehayan kanda kon si Biden ro maging presidente kaysa ipadayon ro paghari ni Trump sa America.
Sambilog pa sigon nga nagustuhan it mga pumueoyo hay ro hilway nga pagpamalakad ni Biden kat imaw hay bise presidente pa eamang.
Apang kon si Bombo International Correspondent Elizondo ro pagakutan-on, mas ginapaboran kara si Trump bangud sa anang pagiging pro-life.
