KALIBO, Aklan—Makaangkon it re-shuffling sa mga personnel it pulisya engkaso nga may himata ro mga raya nga nagapadaeagan sa Barangay ag Sangguniang Kabataan eleksyon sa paaeabuton nga Oktobre 30 it presenteng dag-on.
Raya hay kasunod it pag-arangkada it pagdihon it certificate of candidacy it mga aspirant candidate nga magabuhay hasta sa Setyembre 2 alas-5:00 it hapon.
Suno kay PSSgt. Jane Vega, assistant spokesperson it Aklan Police Provincial Office nga raya hay ginasunod eon kato pa man kada eleksyon apang sa makaron hay uwa pa it paghueag sa mga PNP personnel it APPO nga nagakatabo.
Ginpaathag kara nga patapuson anay ro filing it COC’s bangud nga dato ro magiging reference it andang taeatapan sa pag-endorso agud nga mahueag ro mga raya within sa probinsya it Aklan.
Sa pihak nga parte, nag-umpisa eon man ro comelec checkpoint ag ro pagpatuman it gunban.
Padumdom ni PSSgt. Vega nga maging responsable ro tanan ag likawan gid ro pagdaea it maskin anong klase it hinangiban.
