Ginatun-an eon it Department of Agriculture (DA) ro uman nga pagbuhi sa ‘Masagana 150’ program nga unang ginkasa it administrasyon it namatay nga ama ni Pangueong Ferdinand “Bongbong” Marcos, Jr.
Nakadisenyo ro programa para mapataas ro produksyon it bugas pinaagi sa pagpautang sa mga mangunguma it mga binhi nga makatau it mas bugana nga ani.
Angot kara, magagamit sigon it mga makabag-ong teknolohiya sa nasambit nga programa.
Pinaagi sa programa hay ginaeauman nga mapanaba ro presyo it bugas kadungan sa pagpaumwad sa pangabuhian it mga mangunguma.
Sa makaron hay ginadumaeahan ni Pangueong Marcos ro DA sa tuyo nga maresolba ro tanan nga mga isyu sa taeatapan.
Nagaeaum kita nga engkaso nga buhion ro ‘Masagana 150’, raya eon ro uman nga pagbaskog sa pagpanguma nga magiging mabahoe nga bulig sa atong pagbangon halin sa pandemya.
Kinahangean nga magbueuligan ro gobyerno, pribadong sektor ag pumueuyu sa tanan nga mga manami nga programa nga nagatuyo nga mas pang mapaumwad ro nasyon .
