Nagpasaka man it impeachment complaint ro Makabayan Block kontra kay VP Sara Duterte.
Suno kay ACT Teachers Partylist Rep. France castro, kapin sa 74 nga mga lider halin sa nagkaeain-eain nga progresibong grupo ag mga concerned citizens ro signatories sa impeachment complaint nga may kaangtanan sa mga alegasyon nga corruption ag misuse of confidential funds ni VP Sara.
Sa 74 complainants, 1/3 kara hay halin sa youth sector.
Mag-eowas sa mga Kabataan, ro ibang signatories hay halin sa public school teachers, government employees, human rights victims ag mga dating miyembro it Kamara.
Suno kay Liza Maza co-chairperson it Makabayan, ro pagwaldas it confidential funds hay sangka mabahoe nga pag-eoib sa taumbayan.
Ro ground for the impeachnment hay betrayal of public trusts.
Nagpanawagan mat-a si Bayan Muna Teddy Casino sa Kongreso nga insigidang aksiyunan ro impeachment complaint.
Samtang, kumpiyansa si Castro nga maangkon ro 1/3rd vote halin sa Kamara para maiduso ro impeachment complaint kontra kay VP Sara Duterte.
Kaibahan ni Castro nga nag endorse sa reklamo hay sanday Rep. Raoul Manuel ag Rep. Arlene Brosas.
