KALIBO, Aklan–Padayon ro panawagan it Makabayan Bloc nga himuon eon lang nga optional ro Reserve Officer Training Corps ukon ROTC sa mga high school student.
Suno kay Alliance of Concerned Teachers ukon ACT Party List Representative France Castro nga sa umpisa pa eamang hay hugot eon nanda raya nga ginapamaeabagan bangud sa mga naeksperyensyahan kaparehas it harrassment ag corruption kamana man eabag raya sa international law.
Imbes nga imandatoryo hay itanyag eon lang nanda raya sa mga inonga nga may interest sa ROTC partikular sa mga boluntaryong pamatan-on nga gustong magsueod kara.
Ginpanindugan man nana nga ro patriotism, nationalism ag disiplina hay bukon eamang it sa ROTC matun-an ag maidevelop kundi sa mismong internal subjects ag sa panimaeay nga ginhalinan it nasambit nga mga inonga.
Bangud kara, padayon nanda nga ginaduso ro expanded National Service Training Program ukon NSTP kaparehas sa mga disaster training ag maabong iba pa nga paniguradong mapuslan sa pang adlaw-adlaw nanda nga pagpangabuhi
