KALIBO, Aklan—Makabig nga sariling panaw ni US house speaker Nancy Pelosi ro pagbisita sa Taiwan.
Raya hay sa pihak it makapilang beses nga pagpaandam it China sa nasambit nga pagbisita ni Pelosi sa nasyon.
Suno kay Bombo International Correspondent Pinoy Gonzales it Texas, USA nga maskin ro White House it America hay owa kasayod sa pinakatuyo ni Pelosi sa pagbisita sa Taiwan.
Apang ginasiguro man sigon it US government nga euwas si Pelosi sa anang byahe kung siin may seguridad man raya maghalin sa mga barko ag warships it US government samtang nagabiyahe.
Posible sigon nga matabo sa US ag China ro natabo kapareho sa Russia-Ukraine crisis bangud sa kaakig it China tuga it pagbisita ni Pelosi sa nasambit nga nasyon.
Ro mga kaeapit nasyon sigon kapareho it Pilipinas ro maging makaeoeooy sa oras nga mag-eontad ro tension sa tunga it mga nasambit nga nasyon.
