Makaeain-eain nga mga aktibidades ro ginapatigayon makaron it banwa it Kalibo para pasidunggan ro mga kababayin’an angot sa pagselebrar it National Women’s Month.
Suno kay Jay-ar Arante, head it media team it LGU- Kalibo, ginbuksan ro Bazaar sa Kalibo Pastrana Park ku Marso 3 kun siin bukas raya kada Dominggo para sa mga kababayin’an ukon mga nanay nga naga panindahan.
May una man sanda nga ginapatigayon nga mga free services kapreho it mga legal consultations ag medical consultations.
Nakipagbahin man ro Department of Labor and Employment sa selebrasyon kun sa siin nagpatigayon sanda it Job Fairs.
May mga conference man sa sueod it munisipyo ag nagapatigayon man sanda it mga pagbisita sa mga unibersidad para ipaabot ro kahaegahan ag kinamatarong it mga kababayin’an.
Kada dag-on rayang gina-ubra it LGU-Kalibo para magtao it pag-giya sa mga inunga ag mga kababayin’an.
Ginakangay man ni Arante ro tanan nga pahaegahan ag makipagbahin sa mga aktibidades bilang pagsuporta sa mga kababayin’an.
