Igaeobong eon makaron nga adlaw it Sabado, alas-11:00 it agahon si Makato mayor Abencio Torres nga presenteng nakahaya sa Manila Memorial Park.
Suno kay Francis Tikboy Bofill, gumankon it alkalde nga haeos tanan nga mga maeapit nga kaabyanan ag kaibahan sa pulitika hay nakisimpatiya sa kasubo ag kalisod it pamilya.
Nasayuran nga si Torres hay dating director it Bureau of Internal Revenue ukon BIR ag naassign sa nagkaeain-eain nga probinsya antes nga nagsueod sa pulitika.
Naging three termer sa pagkaalkalde sa banwa it Makato ag ko nagtaliwan nga eleksyon hay nagpailihir sa pagka bise-alkalde kon siin nagdaog imaw kontra sa kasumpong kara nga si Boby Clyde Legaspi.
Kapin sa ap-at nga adlaw nga ginhaya ro 74-anyos nga alkalde kon siin idto man ro anang bilog nga pamilya antes nga igaeobong makaron nga adlaw.
Madumduman nga ginkakibot it tanan ro pagkamatay it alkalde kon siin ko ulihi nasayuran nga inatake raya sa tagipusuon.
