-- ADVERTISEMENT --
KALIBO, Aklan—Nagpaguwa it panibag-ong Executive Order si Mayor Atty. Abencio Torres it banwa it Makato agud maging basehan it igapatuman nga pagsinueondan sa andang kaugalingon nga bersyon it Ati-atihan festival nga maga-umpisa sa Enero 14 hasta 15.
Suno kay Mayor Torres nga kaibahan sa mga hugot nga ginabawaean sa mismong adlaw it selebrasyon hay ro pagpatigayon it sadsad ag binayli.
Ginalimitahan man ro pagbatun it mga bisita ag dapat hay ro mga pamilya eamang ag mga kaibahan sa baeay ro paga-imbitahan.
Puwedi man nga maghanda it pagkaon apang kinahangean nga hugot nga maipatuman ro health protocol.
Nasayuran nga sa makarun hay may unang 6 ka mga aktibong kaso it coronavirus disease ukon covid-19 ro nasambitan nga banwa.
-- ADVERTISEMENT --
