KALIBO,Aklan–Magaestablisar it police assistance desk ro Makato Municipal Police Station sa nagaisaeahanon nanda nga baybayon sa Brgy. Baybay kon sa siin may police personnel nga magaduty, augmented it municipal auxillary police ag barangay tanods it lugar.
Raya hay agud nga mamonitor ro mga eskursyunista nga magaadto sa lugar agud nga iselebrar ro kapyestahan si San Juan de Bautista.
Angot kara, padumdom ni PCapt. Abdon de Mateo, hepe it Makato PNP Station nga likawan gid ro pagpaligos nga nakainom bangud nga sambilog raya sa mga rason it pagkaeomos.
Mag-eowas kara, inde gid ibueag ro panueok sa mga inonga ag ingaan ro mga raya nga mag-adto sa madaeom nga porsyon it dagat.
Sa pihak nga parte, bago pa man panaugan ro mga panimaeay hay siguraduhon nga nakapadlock para eowas sa mga manakaw ro mga kagamitan.
Nasayuran nga sa raya nga mga tyempo hay ginabuoe man raya nga kahigayunan it mga maeain nga tawo agud nga makahalit ag makadelhinsya
