Sigidas eon ro ginahimo nga pagpahaum it Makato Municipal Police Station para sa seguridad it tanan nga atleta ag magapartisipar sa nakataeanang opening parade it Western Visayas Regional Athletic Association (WVRAA) meet 2023 sa Calangcang Sports Complex.
Suno kay Police Captain Merriefin Carisusa, hepe it Makato Municipal Police Station, nga 80% ready eon ro Makato-PNP para sa seguridad nga igapatuman sa nasambit nga pagbukas it sporting event.
Ginpahayag dugang nga iga-implementar nanda ro traffic flow it mga saeakyang rerouting sa bilog nga plaza bangud sa ginaeauman nga masobra sa 3,000 nga participants ag VIPs ro magatambong sa opening it WVRAA meet.
Samtang may security plans man nga nakaplastar sa entrance ag exist ag may route security sa parade route.
Nag-hinyo man sigon sanda it augmentation nga magadugang it mga personnel nga madeploy sa nasambit nga venue maghalin sa provincial office sa siyudad it Iloilo.
Nagsuhesisyon man ro Makato-PNP nga magpatuman it one entry, one exit agud nga maplastar it maayos ro seguridad it tanan.
Samtang ro mga tumaean-aw nga owa it seakyan hay sa main entrance it nasambit nga venue masueod./
Nagahinyo man si Carisusa it kooperasyon ag pag-intindi sa mga drivers sa traffic flow para madineag-on ro iga-implementar nga seguridad.
Angot kara, nagahinyo man it kooperasyon sa mga tumaean-aw nga sundon ro security protocol pareho it bag checking ag body frisking ag mangin responsible nga tumaean-aw.
Patumod mat-a sigon sa init nga paniempo, ginaeauman man ni Carisosa nga stay healthy, stay hydrated, ag safety first.
