-- ADVERTISEMENT --
Kalibo Aklan ——-Dumistansya ro Malacañang sa isyu sa pagduso it sangka private group nga nagapanawagang bayluhan ro sistema it gobyerno paadto sa Revolutionary Government.
Maskin ginakilaea it Palasyo ro kinamatarong it publiko nga magta-o it andang opinyon, bukon it raya ro focus it administrasyon.
Suno kay Presidential Spokesperson Sec. Harry Roque, kon may una man nga prayoridad si Pangueong Rodrigo Duterte makaron, raya hay ro pagbukas it ekonomiya ag pagsigurong eowas ro publiko.
Kon madumduman, sambilog ro Revoluntionary Government sa mga target ni Duterte nga himuon kat nagpailihir imaw bilang presidente ko 2016.
