Ginatun-an eon it Malakanyang ro proposisyon it Land Transportation Franchising and Regulatory Board (LTRFB) nga nagatuyo nga ipasaka sa P20 kada litro ro fuel subsidy nga sang buean nga igapatuman para sa mga driver ag operator it pampublikong saeakyan.
Suno kay Palace Press Officer Claire Castro, gintalakay eon nanday Executive Secretary Ralph Recto, Transportation Secretary Giovanni Lopez, kaibahan ro economic team it gobyerno ro proposisyon agud nga makabilog it klaru nga desisyon.
Ginklaru man ni Usec. Castro nga magapabilin nga epektibo ro P10 nga subsidiya hasta sa katapusan it buean samtang ginapatigayon ro pagtuon.
Samtang, gin engganyo it Malakanyang ro grupong MANIBELA nga makipagdayalogo sa baylo nga magpatigayon it transport strike.
Ginpamilit ni Usec. Castro nga bukon it transport strike ro tamang solusyon sa problema ag ginpamilit nga gusto it gobyerno nga makipag-istorya agud nga masayuran ro mga reklamo it nasambit nga sektor.
