NATIONAL News — Gindeklara ni Presidente Ferdinand “Bongbong” Marcos Jr. ro Abril 1, 2025 nga regular holiday bilang selebrasyon sa Eid’l Fitr ukon Feast of Ramadan.
Sa Proclamation No. 839 nga ginpaguwa ko Marso 20, ginpahayag ni Marcos nga gusto nana nga masayuran it mga Pilipino ro religious ag cultural significance it Muslim holiday.
Angot kara, owa it trabaho sa mga pampubliko ag iba pa nga pribado nga opisina makaron nga adlaw kamana man klase sa mga eskwelahan.
Apang kahapon, Marso 31, ginselebrar eon it mga Muslim ro Ramadan base sa pagtumod it mga Muslim leaders pinaagi sa traditional nga moon sighting ceremony sa ika-29 nga adlaw it Ramadan.
Ginbasehan nanda ro pagguwa it buean ag ginatiyempo nga pagahiwaton ro Eid sa masunod nga adlaw.
Bangud kara, kahapon may mga local government units eabi eon sa mga lugar nga sakop it Bangsamoro Autonomous Region in Muslim Mindanao (BARMM) nga nagdeklara it non-working holiday.
