BORACAY Island — Positibo ro Malay-Boracay Tourism Office nga maeampasan nanda ro nailistang 174,966 tourist arrival ko Pebrero 2025 antes matapos ro Pebrero 2026.
Raya hay matapos nga nakalista eon ro ahensya it 102,301 nga kabilugang tourist arrival halin ko Pebrero 1 hasta it 15, 2026.
Ginpaathag ni Kathrine Licerio, tagapaghambae it Malay-Boracay Tourism Office nga sa nasambit nga numero, 71,868 ro domestic tourist; 1,763 ro overseas Filipinos ag 28,670 ro foreign tourist.
Ro daily average tourist arrival hay nagaabot sa 6,820 rason nga positibo sanda nga maaywanan ro nasambit nga numero it tourist arrival kon ikumpara sa kaparehong period ko nagtaliwan nga dag-on.
Nagapabilin sigon nga mataas ro andang kumpyansa bangud sa waea-tuo nga mga aktibidad sa isla nga kapin pang nagaengganyo sa mga turista nga dayuhon ro isla ag ibutang sa andang bucket list eabi eon makaron nga nagahilapit ro summer season.
