Kalibo Aklan —–Mabahoe ro pagpati ni Malay Mayor Frolibar Bautista nga bukon it sa Caticlan, Malay nabo-oe it 25 anyos nga babaye nga personnel it Philippine Coast Guard (PCG-Caticlan) ro anang coronavirus disease (COVID-19) infection .
Suno kana nga raya hay bangud nga owa it nailistang local transmission sa bilog nga Aklan.
Kumpiyansa man imaw nga magiging negatibo ro RT-PCR test it mga posibleng nakasalamuha it pasyente eabi eon ro anang mga nakatrabaho.
Masobra sa 20 nga mga personnel it PCG Caticlan ag sambilog ro halin sa PCG-Boracay ro ginpaidaeum sa swab test.
Naka-lockdown makaron ro nasambit nga mga personnel rason nga temporaryong nag-augment ro mga personnel it PCG-capiz .
Base sa report maghalin sa Provincial Health Office, ro pasyente nga tumandok it banwa it Batan hay nag-agto sa Iloilo ko Hulyo 1 ag nagtinir sa sangka inn it daywang adlaw.
Ko Hulyo 3 hay nagbiyahe raya paagto it Manila sakay it barko it PCG .
Ko Sabado hay nakabaton ro PHO-Aklan it resulta it RT PCR Test it pasyente nga raya hay nag positibo sa nasambit nga virus.
Nagapabilin raya nga asymptomatic ag naka quarantine sa athletes village sa Capaz, Tarlac.
