KALIBO, Aklan–Sa ika-ap-at nga adlaw it filing it certificate of candidacy, nagdihon eon it anang kandidatura si malay acting mayor frolibar bautista agud nga magpadaeagan bilang alkalde it nasambit nga banwa.
Imaw ro unang nagsumite it COC sa Commission on Elections ukon COMELEC malay sa mga naga-aspirar nga maging mayor it banwa nga imaw ro may hurisdiksyon sa isla it Boracay.
Ginaeauman nga magiging running mate it alkalde si acting vice mayor Niño Carlos Cawaling, unga ni dating mayor Ceciron Cawaling.
Ginaeauman nga magiging three-cornered fight ro engkwentruhanay sa pagka-alkalde sa Malay sa eleksyon sa masunod nga dag-on.
Mag-eowas kay Bautista sa idaeum it Tibyog Akean, ginaeauamn nga magapadaeagan man si Marlyn Gregorio Villaresis , dating kagawad it Barangay Yapak sa isla ka tandem si Manocmanoc barangay captain Nixon Sualog.
Matunog man ro pangaean ni Yapak punong barangay Hector Casidsid nga magasabak sa mayoralty race.
Madumduman nga gintaeana bilang acting mayor si Bautista matapos mapatalsik sa pwesto si Ceciron Cawaling it Office of the Ombudsman.
