Nagpaguwa it executive order si Malay mayor Frolibar Bautista agud nga ipaidaeom ro bilog nga banwa kaibahan ro isla it Boracay sa restricted status sa mga hog traders ag livestock transport carriers.
Raya hay bilang pag-alerto eon man sa pagkalhit it African Swine Fever ukon ASF virus kasunod sa pagkalista it kaso sa ibang kabanwahan sa bilog nga probinsya it Aklan.
Suno kay liga ng mga barangay president Rannie Tolosa, ro executive order it alkalde hay agud nga impormahan ro mga natungdan nga ahensya nga magtukod it border control checkpoint agud nga mamonitor ag mausisa ro mga buhi nga baboy nga nagasueod sa banwa partikular ro mga processed pork ukon frozen products maghalin sa Metro Manila.
Nasayuran nga ro barangay caticlan ro entry ag exit point it mga kargada maghalin sa nagkaeain-eain nga probinsya.
Samtang sa pihak nga parte, panugyan ni Tolosa nga magpahaom ro tanan ag likawan nga magpasueod it mga produkto eabi eon kon halin sa ASF affected areas.
Ginpasiguro man nana nga ginausisa nanda it husto ro kutob sa mga nagaagi nga produkto sa andang barangay eabi eon ag sakop nanda ro merkado publiko it banwa it Malay.
Sa makaron suno kana hay nagapabilin nga eowas sa ASF virus ro banwa it Malay.
