KALIBO,Aklan– Ginaeauman nga magadagsa ro mga bisita ag turista sa isla it Boracay sa nagahilapit nga kapistahan ni San Juan Bautista.
Bangud kara haom ag preparado eon ro bilog nga pwersa it kapulisan it Malay-PNP kaibahan ro tanan nga ahensya it LGU-Malay nga bantayan ro seguridad it tagsa ka pumueuyo ag mga bisita nga maga-adto sa isla.
Suno kay Malay Chief of Police PLTCOL Don Dicksie de Dios nga target nandang makaangkon it malinong ag owa it mailista nga anumang untoward incident may kaangtanan sa nasambit nga selebrasyon.
Ginpasiguro dugang kara nga tanan nga aktibidad sa isla hay nakacoordinate sa kapulisan ag lokal nga gobyerno it Malay.
Angot kara, magapangayo man sanda it dugang nga pwersa it mga pulis maghalin sa andang Region 6 office agud nga mas pang mapabaskog ro police visibility sa tuyo nga masikyar ro seguridad it tanan.